家人唔肯見社工,我可以做啲咩?有冇其他網上服務?

更新日期:8月 7

讀者問:

家人長期情緒低落,催佢去見社工/睇醫生佢都唔肯,我仲可以做啲咩去幫佢呢?有冇其他資源/網上服務可以幫到佢?


說書人分享:

知道家人或身邊嘅人有困擾,但又未有方法,我地可能都會有心急嘅感受,而呢一份心急亦好多時出於我地對對方嘅關心。當我地留意到自己心急嘅同時,亦可以提醒番自己,每個人嘅步伐、需要嘅空間同時間都唔一樣,尊重每一個人嘅選擇。


我地可以為對方提供唔同嘅方法或資源,然後容許對方有個空間同自主權去選擇。要尋求協助並唔係輕易嘅事,尤其香港污名咁嚴重,都需要好多勇氣先會尋求協助,好多人由開始有困擾到求助可以用好多時間,背後可以有好多擔心、無助、恐懼。


如果適用嘅話,你亦可以介紹《賽馬會心導遊計劃》俾你嘅家人,當中有唔同嘅心理健康課程。計畫網頁:www.jctourheart.org / Facebook: @jctourheart


再者,未必每一個人都想選擇求助,嘗試信任對方,學習做一個聆聽者,都係重要嘅一步。

116 次瀏覽