心理學家講咗D野令我好炆掙

讀者問:

心理學家講咗D野令我好炆掙,想轉另一個心理學家,但又驚下一個都係咁...


說書人分享:


唔知你有無機會同心理學家講返呢個感受,如果你覺得合適既話可以同心理學家講,呢個其實係一個好好既機會畀你去了解自己多D、比心理學家去了解你多D,可能了解下點解果D說話會令你炆掙架呢?係因為心理學家忽略左一D野、抑或係反映緊自己既心理模式呢?炆掙呢個感覺又講緊D咩畀你知呢?可能你會有新既領悟,亦都可能令個治療關係更加緊密。响心理治療入面坦誠都好重要架,雖然好唔容易,不過你越坦誠,心理學家就可以更加準確咁了解你,從而同你一齊行一個真係適合你既方向。


心理治療既過程有唔同既感受都係好自然既,過程要磨合、治療關係有起跌都係好常見架。一個稱職既心理學家會提供一個安全既空間畀你,同你一齊探索呢D感受,一齊去明白你既需要,從而調整傾談既方向。


當然,如果你已經認為呢個心理學家唔適合你,都可以物色另一個心理學家,不過就要有心理準備要再重新講一次你既困擾,同埋都係要經過磨合既過程架!

43 次瀏覽